07:30ean hasiko da linea horretako autobusa zerbitzua ematen, orduro. Arantzazutik azkena, berriz, 19:00etan aterako da.
Salomon markak antolatzen duen Golden Trail National Series zirkuituaren barruan dago aurten Aloñako Igoera, eta 09:30ean emango diote hasiera lasterketari, plazan. Euskal Herriko eta Iberiar penintsulako 342 korrikalarik hartuko dute parte; 172 Debagoienekoak.
Fagor Professional izango da probaren babesle nagusia. Eta, hein handi batean, babesletza horrek ekarri ditu aurtengo bi berrikuntza nagusiak: proba zuzenean emango du Evasion TV-ek streaming bidez eta ETBko lehenengo kateak ere zuzenean emango du.