Duela mende bat, 100 urte, sortu zen Euskal Mendi Federazioa eta urteurren hori ospatzeko egingo diren ekitaldiean artean dago asteburuko hau: 100 urte 100 mendi ekimena. Hala, urteak adina tontor igoko dituzte asteburuan Euskal Herri osoan, eta goian argazki bat aterako.
Aloña Mendiko mendi taldea era batu da ospakizuneko ekimen honetara eta Orkatzategira antolatu du irteera zapaturako. Apirilaren 27an izango da, 07:00etan plazatik abiatuta, eta ibilbide osoa oinez egingo dute, autobusik gabe. Sei-zazpi orduko ibilaldia izango da eta hamarretakoa egingo dute Urrusolako elkartean. Joan gura duenak izena eman behar du aurretik: alonamendi.mendi@gmail.com. Gaur, eguena, da azken eguna horretarako. Talde moduan doazenak federatuta egon behar direla gogora ekarri du Aloña Mendik.
