Eusko Jaurlaritzarako hauteskundeetan nabarmen gailendu da EH Bildu Oñatin, botoen erdiak baino gehiago lortuta. Gainera, 2020an baino 398 boto gehiago eskuratu ditu. EAJk aldiz, 1.917 boto lortu ditu (%33), duela lau urte baino 198 gutxiago. PSE-EEk gora egin du eta 273 botorekin geratu da (%4,64).
PPk ere gora egin du, 97 boto jaso ditu Oñatin (%1,65) eta Sumar izan du atzetik 95 botorekin. Jarraian Elkarrekin Podemosek 72 boto lortu ditu, 2020an baino 114 gutxiago. Pacmak eta Voxek bederatzina boto jaso dituzte. IZAN alderdiak 7 boto izan ditu, eta Aulki Zuriak eta PUM+Jk bina.
Botoa ematera deituta zeuden 8.793 lagunetatik 5.904k eman dute, %67,14k. Boto baliogabeak 23 izan dira, zuriak 38 eta abstentzioa %32,86koa izan da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.