Erramu-domekaren bezperan Donostiako Elizbarrutiak deituta Gipuzkoako fededunek Arantzazura egiten duten igoera berezia izan da aurten. Izan ere, beste urteetan mezu bat zeraman pankarta baten atzean egin izan dute ibilaldia; gaur, baina, ez dute horrelakorik eroan: soka baten atzetik joan dira bozgorailuetatik gurutze-bidearen pasarteak entzunaz eta otoi eginaz. Indarberri zaitez izan da aurtengo igoeraren leloa.
Fernando Prado Donostiako gotzaina izan da soka eraman duenetako bat, eta berak gidatu du behin Arantzazura heldutakoan basilikan egin duten otoitza-topaketa gidatu duena. Gurutzearen esanahia azpimarratu du bertan, besteak beste, gotzainak.
