Zegama Aizkorriko mendi maratoian Oñatiko Udalak ematen duen laguntza eskertzeko, dortsal bat eman dio antolakuntza taldeak Udalari maiatzaren 26an egingo den aurtengo lasterketarako. "Zegamako Aizkorriko mendi maratoian Oñatiko Udalak parte-hartze aktiboa izaten du, esaterako, autobus zerbitzua jarri eta beste neurri batzuk hartzen ditu pilaketarik, aglomeraziorik, ez egoteko. Antolakuntzakoekin egindako bilera, Zegamako Udala ere bertan zela, proposatu genien dortsal bat herritarren eskura jartzea. Eta eurek proposamena onartu egin dute, ematen den laguntzagatik esker ona adierazteko. Horrela, aurre inskripzioa eginda duten 22 oñatiarren artean zozatuko dugu dortsal hori", azaldu du kirol batzordeburu Saioa Arkonadak.
Zozketa datorren martitzenean, hilak 26, egingo da, 19:00etan, osoko bilkuren aretoan. Irekia izango da eta gura duenak bertatik bertara ikusi ahal izango du.
