Bost musikari oñatiarrek osatzen dute Malko taldea, eta duela urtebete inguru hasi ziren entseatzen. Urte erdira eman zuten lehen kontzertua, eta, "taldeak jendartean izan zuen harrera" ikusita, diskoa grabatzeko erabakia hartu zuten. Hala, 2023ko Gabonetan grabatu zuten Haritz Harreguyrekin batera hamar kantuz osatutako diskoa. "Denetik duen disko bat sortzen saiatu gara, hainbat estilo jorratuz, denak rockaren inguruan. Hala ere, kantu guztiz ezberdinak jorratzen dituen disko bat sortzea lortu dugu, gure iritziz".
