Zanbranako –Araba– Txoriarte ehiza barrutian egin zuten zapatuan Oñatiko ehiza txapelketa. Hemezortzi lagunek hartu zuten parte eta Jose Inazio Leibar izan zen eper gehien ehizatu zituena; bederatzi. Bera izan zen txapelketako irabazlea eta hamabosgarrenez jantzi zuen herriko ehiztari onenaren txapela.
Senior mailan, hauxe izan zen sailkapena:
- Jose Ignacio Leibar Larrea, bederatzi eperrekin
- Mikel Lopez Morales, lau eperrekin
- Aitor Zugasti Kortabarria, hiru eperrekin
- Josu Lizarralde Elkorobarrutia, bi eperrekin
- Mikel Zufiria Errasti, bi eperrekin
Beteranoetan, berriz:
- Mikel Otxoa de Angiozar, lau eperrekin
- Jose Luis Garcia de la Fuente, eper batekin
Eskualde mailakoa hurrengoa
Hurrengo txapelketa zonalde mailakoa izango da eta Debagoienako eta Zumarragako ehiztariek hartuko dute parte. Irailaren 28an jokatuko dute. Gaurko txapelketan senior mailan sailkatu diren lehen hiru ehiztariak eta beteranoen mailako lehenengoak izango dira Oñatiko ordezkariak.
