Enkartada fabrika-museoa bisitatu zuten Pake Leku erretiratuen elkarteko kideek Balmasedara egindako irteeran. Txapelak nola egiten dituzten ikusi zuten han. Arratsaldean, berriz, herria ikusteko bisita gidatua izan zuten.
Hurrengo ekitaldia domekarako dute antolatuta, otsailak 4. Santa Ageda bezpera eguna, santa-eskean ibiliko dira Pake Lekuko kideak elkarteko Aloña abesbatzakoekin batera. San Martin egoitzara joango dira lehenengo, 10:00etan, eta handik kalera gero, kalez kale kantuan jarraitzeko.