"Kantauri itsasotik hasi, Portugalera sartu, Espainia erdi ingurukoak eta Mediterraneo aldeko arroilen argazki emanaldia izango da, Frantziako Pirinioetakoak barne. Zeharkaldiko eskia egitera mugitzen gara neguan eta arroilak jaisteko irteerak egiten ditugu udaberritik aurrera, inguruko herriak bisitatuz; turismoa egiteko beste modu bat da. Urte asko dira hori egiten dugula eta argazkien aukeraketa bat eramango dugu Araotzera, ordubete inguruko emanaldia", aurreratu du Karmelo Oñate eskoriatzarrak.
Ainhoa Arizbaletarekin batera egingo du emanaldiaren aurkezpena zapatuan Araozko ostatuan, 19:30ean.