Hogei taldez osatutako txapelketa da eta, beraz, bost taldetako lau multzotan banatu dira parte-hartu duten taldeak. Goizeko 9:00etan hasi dira partidak Zubikoan, eta arratsaldeko 15:30ak arte multzoko faseko neurketak jokatuko dira. Multzoko fasea amaituta, eta ordu-erdiko eten baten ostean final-laurdenak jokatuko dituzte multzo bakoitzeko bi talde onenek.
Final-erdietako partidak bihar, hilaren 30a, jokatuko dira goizeko 10:00etan hasita, eta txapelketako finala 12:30etan jokatuko da. Finalaren aurretik, saski eskolako neska-mutilek haien arteko partida bat jokatuko dute.
Hiruko eta zelai-erdiko txapelketak
Urteroko legez, aurten ere hiruko eta zelai-erdiko txapelketak jokatuko dira. Bigarren eta hirugarren final-erdietako partiden tartean jokatuko da, arratsaldeko 18:00etan hasi eta 19:00ak bitartean. Lehenengo zelai-erdiko txapelketa jokatuko da, eta horren ostean hiruko jaurtiketen txapelketa.
