Txeloné eta Futbol Txaparan taldeek eman diote hasiera aurtengo Gabonetako areto futbol txapelketari. Iaz bezala, aurten ere hiru txapelketa jokatuko dira: emakumezkoena, gizonezkoena eta mixtoa. Emakumezkoetan bost taldek eman dute izena eta talde guztiek bata bestearen aurka jokatuko dute; bi talde onenak iritsiko dira finalera. Gizonezkoetan 25 taldek hartuko dute parte eta ohiko formatu bera izango du. Txapelketa mixtoa berriz, hiru taldek osatzen dute, eta bata bestearen aurka jokatu ostean, bi talde onenek finala jokatuko dute.
Txapelketako final guztiak eguenean, hilaren 28an, jokatuko dira, hurrengo orduetan:
- Txapelketa mixtoko finala, 18:00etan.
- Gizonezkoen txapelketako finala, 19:00etan.
- Emakumezkoen txapelketako finala, 20:00etan.
