Mondragon Unibertsitateak nazioarteko QIA saria jaso du hezkuntzaren arloan, LEINN Lidergo Ekintzailetza eta Berrikuntzarako graduko hirugarren mailan duten Teknologiak trantsizioan dagoen mundu baterako programa dela eta. Irungo, Oñatiko eta Bilboko unibertsitateetan ematen den irakasgaia da, baina baita nazioarteko beste eremu batzuetan ere. Esate baterako, Pueblan, Mexikon. Azaldu dutenez, helburua da STEAM arloko gaitasunak sendotzea ekintzaile gazteen taldekako proiektuetan, eragin hirukoitza izango duen ikuspegitik: gizartea, ekonomia eta ingurumena. Are gehiago, garapen jasangarria ere aintzat hartzea da xedea.
Excellence Finland erakundeak 2007an sortutako nazioarteko lehiaketa da QIA Quality Innovation Award, eta QIA Advisory Boardeko erakunde eta herrialde kideen artean proiektu berritzaileen lehiakortasuna sustatzea du asmo. Finlandia, Suedia, Israel, Txina eta Espainia dira herrialde horiek.
