Gabonetako urteroko hitzordua izaten da Zubikoan jokatzen den areto futbol txapelketa, eta aurten ere ez du hutsik egingo. Bigarren urtez jarraian hiru txapelketa bereiziko dira: emakumezkoena, gizonezkoena eta mistoa; baina pertsona bakoitzak txapelketa bakarrean parte-hartu ahal izango du. Izen-emate epea irekita egongo da, Arrano tabernan, abenduaren 20a arte, eta talde bakoitzak 30 euro ordaindu beharko ditu txapelketan jokatzeko. Gutxienez bost pertsonaz osatutako taldeak izan beharko dira, eta hamabost urtetik beherakoek ezingo dute txapelketan parte-hartu.
