Aimar Madina ziklista oñatiarra podiumaren gorenera igo da Gipuzkoako ziklo-kros txapelketan. Gaur jokatu dute proba Seguran: ordubeteko tartean sei itzuli egin dizkio zirkuituari oñatiarrak. Elite eta 23 urtez azpikoen sailkapena kontuan hartuta bosgarren egin du sailkapen orokorrean, eta bigarrena izan da 23 urtez azpikoen kategorian; baina, lehenengo gipuzkoarra izan da, Gipuzkoako txapelketa irabaziz.
Caja Ruraleko ziklista poliki-poliki neurria hartzen ari zaio ziklo-krosari. Denboraldia amaitzeko beste hiru proba jokatuko ditu: hilaren 23an Aiaran; abenduaren 30ean Euskadiko txapelketa Abadiñon; eta, urtarrilaren 8an, Ormaiztegin.
