Gaur iluntzeko pintxopoteoan grebari atxikimendua adierazteko kartelak jarriko ditu herrian mugimendu feministak eta herritarrak animatu ditu eurekin bat egin eta "zarata egitera". Boga tabernan hasita egingo dute pintxopoteoa, 19:00etan.
Bazkarirako txartelak
Bestalde, azaroaren 30erako egitaraua ere ari dira osatzen. Gosaria, plaza inguruaren apainketa, kalejira eta manifestazioa egongo dira besteak beste, eta baita bazkaria ere. Plazan izango da bazkaria –gaztelekuan eguraldia txarra bada– eta dagoeneko atera dituzte txartelak. Hiru prezio ezberdin izango dute txartelek, bakoitzak bere borondatea eta egoera kontutan hartuta eskura dezan: bost euro, hamar euro eta zero euro. Eltzia, Arrano eta Pake Leku tabernetan egongo dira salgai azaroaren 28ra arte.
Horrez gain, Denon bitzitzak erdigunean esaldia duten zapi moreak banatzeko ere asmoa badute greba egunean bertan eta aurrekoetan, "greba egin ezin dutenen artean banatzeko, zapiak bistan, ikusteko moduan, jarri ditzaten grebari atxikimendua adieraziz".
