Irrintzia noizkoa den, egun zenbaterainoko presentzia duen edo Euskal Herriko bazter desberdinetan izen berdina erabiltzen ote den jasotzen du, besteak beste, Ekain Martinez de Lizarduy irakasleak eta Arteman Komunikazioak lankidetzan egindako Erraiak dokumentalak, eta Araozko ostatuan eskainiko dute ikus-entzunezko hori hilaren azken zapatuan, azaroaren 25ean, 19:30ean. Egilea bera, Ekain Martinez de Lizarduy Stürtze, etorriko da, gainera, ostatura.
Pettiren kontzertua antolatu zuten joan den urtean sasoi honetan, eta urtero kultura ekintza bat egiteko asmoa iragarri zuen orduan ostatuko Itziar Mondragonek. "Aurten, dokumentala eskainiko dugu. Egilea ere badator eta aukera egongo da berarekin tertulian aritzeko. Denondako da gonbidapena".
