Letagin taldeak bideoklipa kaleratu du 'Zurrunbiloan' disko berriko 'Barne sua' abestiarekin

Oñatiko Letagin taldeak Zurrunbiloan izena izango duen bigarren diskoko Barne sua aurrerapen abestiarekin bideoklipa egin du, Daniel Sanchez Skst Design-en gidaritzapean grabatua 2023ko azaroan. Letaginek Zurrunbiloan diskoa 2023ko urrian grabatu, nahastu eta masterizatu zuen Gaua Estudioan, Jon Asier Zubelzu, Iker Aginaga eta Iker Villaren gidaritzapean. Danbaka-Ekinez saria irabazi zuen laukote oñatiarrak.