Musikaz lagunduta aurkeztu zuen Txanda elkarteak logo berria zapatuan. Mundua, herria eta gizartea aldatzen ari diren moduan, Txandak ere aldatzeko gogoa duela adierazi zuten eta duela 27 urte egindako logoaren ordezkoa aurkeztu zuten.
1997an sortu zen herriko dendarien elkartea, Txanda, eta hasieratik dituen balioak berretsi zituen logo berriaren aurkezpen ekitaldian: konpromisoa, bokazioa, pasioa, kalitatea, sormena, gertutasuna, elkarlana, ugaritasuna, familia, jasangarritasuna, egokitzapena eta erantzukizuna. Egun 50 komertzio, zerbitzu eta ostalari daude elkartean sartuta.