Kanposantura bisitan joateko eguna izan ohi da azaroaren 1a, eta aurten ere udaltzaingoak zaintza areagotuko du hilerriaren inguruan egun horretan. Gertatu izan da egun horretan lapurretak egotea kanposantura doazen ibilgailuetan –joan den urtean bi izan ziren–, eta hori ez gertatzeko lagundu gura dute udaltzainek. Horrela, ibilgailuetan kanpotik ikus daitekeen ezer ez uzteko mezua irakur daitezkeen oharrak jarri dituzte asteburuan hilerriaren inguruan eta zaintza areagotuko du egunean bertan, eguaztenean. Normalean baino maiztasun handiagoarekin egingo dituzte joan-etorriak udaltzainek kanposantura.
Autobusa bertaraino
Bestalde, jai egunetako autobus zerbitzuak kanposanturaino egin ohi izan ditu bidaiak azken urteetan, eta aurten ere horrela izango da. Hau da, Oñati eta Arantzazu lotzen dituen zerbitzuak kanposantuan ere izango du geldiunea. Bihartik, azaroak 1, aurrrera, gainera, neguko ordutegia izango du autobus horrek.