"Gure historia maite dugulako eta garai bateko pasarteak gogora ekarrita ondo pasatzeko helburuarekin sortu dugu ikuskizuna, eta ez Halloween bezperatan gaudelako nahiz eta ezin dugun ahaztu Euskal Herrian aspalditik dagoela Domu Santu egunaren bezperan kalabazak apaingarri moduan erabiltzeko ohitura", kontatu du Larrabetzuko idazle ezagunak ikuskizunaren hasieran.
"Europan 50.000 pertsona hil zituzten sorginak zirela salatuta, Euskal Herrian 1000 pertsona baino gehiago hil zituzten sutan edo erreta, emakumeak gehienbat. Gure sorgin horiei buruz sortutako istorioa da kontatuko dizueguna", azaldu du idazleak eta segidan Gorka Hermosaren akordeoiaren eta Edurne Zabaloren klarinetearen doinuak lagun askotariko ipuinak eta istorioak kontatu dituzte adi-adi jarraitu duten ikusleen aurrean.