Aitor Arregi, Jon Garaño, Jorge Gil eta Jose Mari Goenagaren gidoiarekin, benetako gertakarietan oinarritutako thriller dramatikoa da Marco. Urteetan zehar, iritzi publikoaren eta bere familiaren aurrean, nazien kontzentrazio-esparru batean preso egon zela sinistarazteko gai izan zen gizon baten bizitzaren kontakizuna eroango dute pantaila handira.
Hiru Goya sari irabazi dituen Eduard Fernandez –Fausto 5.0, En la ciudad y Mientras dure la guerra– izango da Enric Marco eta Nathalie Poza aktoreak –La boda de Rosa, Mientras dure la guerra–, Laura emaztearen papera egingo du. Euskal Herrian, Katalunian, Madrilen eta Alemanian izango da filmaketa.
Filma ekoitzi dute Ander Barinaga-Rementeriak, Ander Sagardoyk, Xabier Berzosak eta Jaime Ortiz de Artiñanok, Eusko Jaurlaritza, ICAA, Atresmedia Cine, Movistar Plus+ eta EITBren parte-hartzearekin.
