Gradu-amaierako lanaren baitan garatu dute plataforma hori Lidergo Ekintzailea eta Berrikuntza gradua ikasten diharduten hainbat ikaslek. Orain, mugikorrerako aplikazioa ari direla gertatzen adierazi dute unibertsitatetik.
Gaueko aisialdiko sarrerak –diskoteketakoak, bereziki– Instagrameko istorioen bidez saltzen zirela ikusita piztu zitzaien ideia, eta Rebel Tickets plataforma etorri da hortik. Bilboko, Bartzelonako eta Madrilgo gaueko aisialdiko sarrerak erosi eta saldu ahal izango dira horren bitartez.
Erosoa eta erraz eskuratzekoa
Adierazi dute aplikazio erosoa eta erraz eskuratzekoa diseinatu dutela; interesa dutenek, gainera, jakinarazpenak jasoko dituzte. Segurtasuna ere bermatuta dagoela gaineratu dute: "Eragiketa guztiak segurtasunez burutuko dira, iruzurrak saihestuta. Hala, esperientzia gardena, fidagarria eta segurua bermatuko zaie". Sarreren eroslea eta saltzailea harremanetan jarri ahal izango dira txat bidez, zalantzak argitu beharra egonez gero.
Aplikazioa laster egongo dela deskargatzeko moduan aurreratu dute. Bien bitartean, zerbitzua plataformaren bidez eskaintzen jarraituko dute.