Lander Beloki Enpresagintza Fakultateko dekanoa eta Aitor Lizartza ekintzailetzaren arloko eta Mondragon Team Academy nazioarteko sareko koordinatzailea New Yorken izan dira lankidetza sinatzeko. Ekintzailetza bultzatu nahi dute, baina baita bi erakundeen arteko ikasle trukea sustatu ere. Era horretan, MUko LEINN Lidergo Ekintzailetza eta Berrikuntza graduko ikasleek New Yorkera egingo dute bigarren ikasturteko ikasketa bidaia; baita alderantziz ere, handik hona etorriko baitira.
Aukera gehiago
Bi unibertsitateen arteko lankidetza finkatzeaz gain, MUtik azaldu dute lehen pausoak eman dituztela Brooklyn Navy Yard erakundearekin elkarlanean aritzeko ere. Itsas ontziola zahar bat da, industria-parke dinamikotzat erabiltzen dena; hain justu, bostehun enpresa baino gehiago biltzen dituena.
