Jendetza eta giro beroa Oñatiko Herri Egunean

Jokin Bereziartua Lizarazu 2023ko ira. 30a, 14:24

Eguraldia lagun, goizean goizetik jendetza elkartu da Oñatiko Herri Egunean, eta asko izan dira baserritar jantzita irten direnak. Azokako osagai guztiek bertsiorik onena erakutsi dute gaur eta eguna aurrera joan ahala beroa ere handitu arren, Oñatin sekulako giroa egon da lehen ordutik. Gazta lehiaketan, Iruatz baserriko Felix Azkargorta izan da irabazlea.

Goizeko lehen ordutik egon den giroa ikusita, egunak luze joko du gaur Oñatin. Azokak ez du nobedade aipagarririk izan, baina feriako osagai guztiek euren aurpegi onena erakutsi dute gaur.

Sagardo dastatzeaz gain, gazta lehiaketako pizgarrietako bat izan ohi da gazta lehiaketa. Aurten Oñatiko bertako hamaika gazta aurkeztu dira eta zortzi kidez osatutako epaimahaiak erabaki du honako hauek izan direla gazta onenak:

1. Felix Azkargorta (Iruatz)

2. Migel Anjel Urrutia (Elorrixa)

3. Aitor Uriarte (Uxarte Garai)