Errosarixo Bixamon Eguna ere zuzenean emango du Goienak astelehenean, urriaren 2an, 13:30ean hasita. Kale Zaharretik bertatik herritarren mozorrorik ikusgarrienak erakutsiko dituzte eta jaietan jasotako gorabehera guztiak errepasatu.
Zuzenekoez gain Hemen Debagoiena saioak ere egingo die jarraipena jaiei; irailaren 29an (18:00, 20:00 eta 22:00) erakutsiko dute, esaterako, danborradak eta berakatz-zopa lehiaketak emandakoa.
Eta borobiltzeko, jasotako hori guztia jaiei eskainitako saio berezian emango da. Urriaren 4an, eguaztenean, izango da hori (19:00, 21:00 eta 23:00).
