Txantxiku Ikastola, Urgain Herri Eskola, Oñati Institutua eta Elkar Heziko ikastetxeekin elkarlanean egindako proiektua da Bagabiltz-Eskolako Bidea. Proiektuaren helburua, haurren segurtasuna sustatzea, arauak eta arriskuak ezagutu eta erabakiak hartzeko gaitasunak lantzea da.
Modu honetara, ikasleek autonomia-maila altuago bat izatea lortzen da. Era berean, eskolara bidean zein herrian zehar, modu seguruago baten mugitu ahal izatea, patinetean, oinez, edo biziklera erabiliz. Sentsibilizazioa bultzatzeko bideo bat ere argitaratu dute.
Honez gain, hilabete guztian zehar mugikortasun segurua, inklusiboa eta irisgarritasun unibertsala sustatzen duen oinezkoen pasabideak seinaleztatzeko neurriak ere hartuko dira. Oinezkoen pasabideak piktogramekin seinaleztatuko dira, espektro autistako nahasmendua (TEA) duten haurrentzat irisgarriagoak eta seguruagoak izan daitezen, termino kognitiboetan.
