Zubillagako hiltegiko arduradunek uda sasoia aprobetxatu dute instalazioetan lanak egiteko. "Aldez aurretik zegoen lurrean nabaria zen lanaren ondorioz eragindako kaltea eta osasun sailak eskatutakoari egokitutako zoru berria instalatu da". Azaldu dutenez, urak eta materia organikoak eragindako kalteak "hobeto" jasaten dituen materiala erabili dute horretarako.
Horrez gain, zatitze gelan ere aldaketak egin dituzte. Handitu egin dute espazioa, eta destentsore sistema berritu dute, hezurgabetzeko baliabideak ere aldatuta. "Modu honetan, zatitze gelan lanean ari diren profesionalen lan-baldintzak hobetzeaz gain, bezeroari eskaini dakiokeen zerbitzuaren kalitatea hobetzea bilatzen da".
