Guztira 554 dantzari inguru eta beste 150 arduradun, musikariak barne, elkartu dira herrian. 10:15ak aldera hasi dira dantzariak Oñatira iristen eta 11:45ean ongietorria egin die guztiei aurtengo alkate txikiak, Erlantz Alberdi Elorzak. Goizari bukaera eman dion Oñatiko Corpusetako arku-dantza neskek bakarrik egin dute lehenengoz. Goizean kaleetan barrena dantzak egin ostean, arratsaldean plazan arituko dira.