900 lagun eta aldarte ona zortzigarren Oñatiko mendi martxan

Miren Arregi Amasorrain 2023ko ira. 16a, 17:49

Arrakastatsua espero zen eta halakoxea izan da. Izan ere, 900 lagunek hartu dute parte Oñatiko mendi martxan. Asko eta asko oñatiarrak, baina baita beste herri batzuetatik etorriak ere.

Aurten ere bi ibilaldi egon dira –22 kilometrokoa motza eta 32koa luzea– eta biak abiatu dira Oñatiko plazatik, luzea 07:00etan eta motza 08:00etan. Bukaeran, luntxaz gozatu dute parte hartzaileek eta elkarrekin berriketan egiteko aprobetxatu dute. Antolatzaileak oso pozik azaldu dira; "oso pozik gaude, zorion mezu asko jaso ditugu, inoiz baino gehiago", zioten bukaeran.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.