Giro onean pasatu dute asteburua Arantzazun. Eguenean izan zuten lehen ekitaldia: Arantzazuko eta inguruko animalia bizilagunak hitzaldia egin zuen Imanol Biain basozainak.
Barikuan, patata tortilla lehiaketa izan zuten: Xabi Arregik egindakoari eman zioten lehen postua, eta bigarren geratu zen Irati Barrena. Mahaiaren bueltan dastatu zituzten lehiaketarako egindako tortilla guztiak.
Zapatuan, Arantzazuko Ama Birjinaren egunean auzo bazkaria egin zuten. Trikitilariek eta bertsolariek girotu zuten bazkaria. Aitor Tatiegi eta Maider Arregi ibili ziren bertsotan, eta auzotarren bat ere animatu zen eurekin batera kantuan egitera.
Gaur, luntxa izan dute 13:00etan, eta modu horretan amaitu dituzte jaiak.
Argazkiak: Maider Arregi.