65. San Migel txirrindularitza proba egin dute gaur goizean Oñatin. Gazte mailako lasterketan bigarren mailako kadeteek ere parte hartzeko aukera izan dute. Aurtengoa, gainera, III. Gari Baños memoriala izan da.
84 kilometroak egiten azkarrena Limousin taldeko Ibai Irisarri izan da; bigarren geratu da Eolo Kometa taldeko Samuel Flores; eta, hirugarrena izan da Ulma taldeko Unax Errasti. Mendiko saria Xabat Mansok irabazi du –Sugar-laguntasuna–; eta, lehen oñatiarra Ulma taldeko Alex Beristain izan da –sariaz gain Gari Bañosen familiak eskainitako 50 euroak irabazi ditu–. Talde onena Limousin izan da eta tarteko helmugen irabazlea –50 euro– Ampo taldeko Auritz Mendia.