"Oso pozik gaude egindako lan guztiarekin. Ekarri dugun errepertorioa oso exijentea zen, gure espektatiben barruan lan ona egin zen eta emaitzarekin benetan oso pozik gaude. Bi hirugarren sari lortzea hain maila handiko lehiaketa batean handia izan da oso. Agian, orain arte egon garen maila handieneko lehiaketa izan da, abesbatzen maila, orokorrean, oso oso altua zen. Finalera, "grand prix"-era, iristea ere lortu genuen eta horrek aukera eman zigun gure lana han ere erakusteko. Esperientziarekin oso oso gustura gaude", dio abesbatzako zuzendariak Italiatik bertatik.
Finalerako pasea lortzea Ganbararendako lorpen handia izan dela gaineratu du Biainek, eta horrez gain bi hirugarren sari lortuta, folklorean eta polifonian, oso pozik daudela. "Oso lehiaketa intentsua izan da, bero handia egin du, entsegutan pasa ditugu goizak... baina merezi izan du. Gorizziako kaleetan barrena ere ibili gara, izozkiak eta pizzak ere probatu ditugu eta pozik goaz etxera".
