Bihar, abuztuak 10, argia kenduko dute Oñati osoan arratsaldean. 15:00etatik 19:00etara kenduko dute, sarean hobekuntza lanak egiteko.
Argindarraren sarean hobekuntzak egin behar dituzte, eta horiek egiteko argia kenduko dute bihar, abuztuak 10, arratsaldean, Oñatin. Lau orduko etena izango da, 15:00etatik 19:00etara, Oñargik jakinarazi duen moduan. Hobekuntza horien artean, Bustinzuloko azpiestazioa aztertuko dute eta Erdi Tentsioko sarean mantentze lanak egingo. Lanak amaitutakoan emango dute berriz argia, aurrez abisatu gabe.
Argia kentzen dutenerako aparatu elektronikoak deskonektatzea gomendatu du Oñargik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
