Musika, esaterako, ez da faltako aurten ere Trianako jaietan. Bihar bertan, egubakoitzean, Malko taldeak joko du, Etxepe eta Azid taldeekin batera. 22:00etan hasiko dira kontzertuak. Aurretik, iluntzean, txorimaloak eta erraldoiak ibiliko dira, Astotrastorekin batera. Sukena, Muxutruk, Potx eta Lotx eta Oñatz dantza taldeko kideak ere eskainiko dituzte emanaldiak bihartik domekara bitartean.
Totai boliviar pintxoak ere egongo dira, adibidez, Trianako jaietan eta ez egun baten bakarrik. Horrez gain, ur pistolen jolasa, mus txapelketa eta Euskal Herriko akordeoi elkartearen emanaldia ere egongo dira, besteak beste. Agendan dago sartuta egitarau osoa.
