Domekan, 14:00ak aldera pasako da Tourra Oñatitik baina lehenago nabarituko dira herrian horrek mugikortasunean izango dituen eraginak. Arrasatetik Elorregir, eta Zubillaga auzoa erditik pasata, kanpotik zeharkatu du herria Udanan gora Goierri aldera joateko. Ibilbide horretan dauden aparkalekuak hustu egin behar dira zapatu iluntzerako, 20:00etarako. Batez ere Zubillagako, Goienako, Aita Lizarraldeko eta Olakua eta San Lorentzo auzoetako herritarrengan izango du horrek eragina.
Herritik irten edo herrira sartzeko moduak, baina, denengan eragingo du. Elorregi zein Udanako sartu-irtenak itxita egongo dira domekan 10:00etatik 15:30era. Denbora horretan, lasterketaren bidea ezingo da autoz, bizikletaz edo oinez zeharkatu. Bestalde, Domekan, Lurraldebus autobus zerbitzurik ez da egongo, esaterako 09:00etatik 17:00etara; bai, ordea, Arantzazura joatekoa. Oñatiko herrigunea eta Arantzazu arteko zerbitzua Herribusak eskainiko du, geltoki bakarrarekin: Elkar Heziko lehen hezkuntzako eraikin aurrean dagoenarekin. Anbulatorioa zabalik egongo da domeka goizean.
