Joan den urtean ez zitzaien posible izan 'Sebastian' auzoan, Zubillagan, aurkeztea eta San Migel jaietan atera zen kalera. Aurten, bai, ordea, eta horrelaxe egingo dute. Zapatu arratsaldean, 18:00etan, helduok da auzora 'Sebastian', Kondeak, Kondesak eta dultzaineroak lagunduta. Bertan egongo da egilea ere, Xabier Mendizabal auzotarra, eta erraldoia nola egin zuen azalduko du. Domekan Tourrari egingo diote ongietorrian ere egongo da 'Sebastian', eta iluntzean kalejiran ibiliko da auzotik atera gabe, txorimaloak ondoan dituela; Jose Mari Usatorre 'Indio'-ri omenaldiaren ostean izango da.
Pelota txapelketako finalak, kontzertuak, parrillada, toka txapelketak, photocall-a edo erretiratuei egindako omenaldia ere egongo dira, besteak beste. Agendan dago sartuta egitaraua, egunez egun.