10:30ean hasiko dira jardunaldiak, aurkezpena egingo baitute, eta, ostean, Stolen Fish film laburra ikusteko aukera izango da. Klima aldaketa Afrikan hitzaldia emango du Aurora Moreno Alcojor kazetariak 11:00etatik 12:30era bitartean, eta goizeko ekintzekin amaitzeko, Zer gertatzen da Ruandan? Galdetu bizikletei argazki erakusketan bisita gidatu bat egingo dute.
13:30ean izango da bazkaria, Arantzazuko hotelean, baina bertan bazkaltzeko ekainaren 7a baino lehenago eman behar da izena; alegia, bihar da azken eguna. 20 euroko prezioa du.
Amaitzeko, zine forum afrikarra antolatu dute, 16:00etan hasita. Beatriz Leal Riesco ikertzailea izango da gidaria.
Izena eman behar da
Jardunaldietan parte hartzeko izena eman behar da, eta horretarako, mezu bat bidali daiteke tau_ss@taufundazioa.org helbidera. 635 74 05 97 telefono zenbakia ere nahi dutenen eskura jarri dute, telefono dei bat egin nahi izan ezkero. Are, abisatu dute Arantzazura joateko autobusa izango dela Donostiatik. Bost euroko prezioa du, eta gaur da izena emateko azken eguna.
