Idazteko teknikak eta testu motak ikasi dituzte, esaterako idazketa tailerrean; hala, hain zuzen, zazpi herritarrek hiru urtez idazketa tailerrean ikasitakoaren eta landutakoaren emaitza da liburua. Prosa eta poesia lanak, haikuak, jasotzen ditu liburuak, eta dagoeneko salgai dago herriko hiru liburu dendetan: Hirukarren, Ibarrondon eta Haritzan. Iturralderen esanetan, "kalitatezko materiala" zegoelako atera dute liburua. Liburutegiko arduraduna, bestalde, oso pozik dago, "zikloa oso ondo borobildu" dutela iritzita.
Zinema aretoan izango da aurkezpena, 19:00etan.
