Astelehenetik, gaurtik, aurrera egongo da zabalik adinekoendako eguneko arreta zerbitzua. 65 urtetik gorako herritarrei dago zuzenduta eta arreta emango die menpekotasun arriskuan edo menpekotasun arina –fisikoa edo mentala– izan arren bizimodu autonomoa egiteko gai diren pertsonei, aldi batean edo modu iraunkorrean. Autonomiari eusten, pertsona aktibo mantentzen, gaitasunak lantzen, mendekotasun egoerak ekiditen eta, aldi berean, harreman sareari eusten laguntzeko ariketak egingo dituzte. Eguneroko bizitza antolatzeko jarraibide edo laguntza ere emango dute, erabiltzaileen egoera eta beharretara egokituta.
Astelehenetan eta eguaztenean Lagun Lekun eskainiko dute eta martitzenetan eta eguenetan, Pake Lekun; bietan, 10:00etatik 12:00etara. Hiru eta hamabi pertsona arteko taldeak egingo dituzte, eta oraindik badago tokia. Zerbitzua bi toki horietan kokatu arren, ez da eskatzen Pake-lekuko edo Lagun-lekuko erabiltzaile izatea. Izena emateko edo informazioa eskatzeko: ongizatea@ onati.eus edo 943 03 77 00.
