Zale mordoaren babesarekin eta animoekin jokatu dira denboraldiko azken bi partiduak: finalak, alegia. Ligako arauzko 80 minutuetan erabaki da Alboken alde. Iaz kopa irabazi zuten, eta aurten, liga txapelketa. Azken hori, bigarrengoz. Sasquatch izan da zapore gaziarekin geratu dena.
Lehen finala kopakoa izan da. Eta, Beteranoen txapelketan jokatzen duen talde gazteenak irabazi du. Aurten jokatu dute lehen aldiz, eta hori ez da traba izan kopa irabazteko: Sarutobik eta Tutelatrakuk bina berdindu dute, eta penalti jaurtiketatan, hobea izan da txapelduna.
Bi finaletako jokalari onenak Julen Aranburu (Albok) eta Xabi Santa Kruz (Sarutobi) izan dira.
Sari gehiago
Finalak bukatu ostean, sariak banatzeko unea heldu da. Ondorengo sariak banatu dituzte antolatzaileek:
- Jokalari beteranoena: Jon Pildain (Albok)
- Golegile onena: Roberto Idigoras (Mazedonia)
- Gol gutxien jaso duen atezaina: Aitor Sanchez (Albok)
- Liga erregularreko txapelduna: Albok
