Antixena gaztetxeak apirilerako antolatu dituen Arte Jardunaldietan parte hartzeko epea bihar amaituko da. Apirilaren 12tik 26ra, buztina landu, argazki estenopeikoa, grafitiak, Photoshop, mural margotzea, serigrafia eta pintura tailerrak egingo dituzte. Tailerrez gain, komikigintzak Euskal Herrian izan duen ibilbideaz berba egiteko mahai ingurua antolatu dute, eta Artixena eguna ospatuko dute apirilaren 22an. Egun horretarako azoka antolatu dute eta egingo duten bazkariko txartelak Arrano Tabernan eskuratu daitezke. 24an, Bomb It dokumentala ikusiko dute.
Zozketa
Hasiera batean, apirilaren 12an egin behar zuten buztin tailerra, eta 19rako aurreikusita zegoen Tornuarekin jolasean tailerrean plaza mugatuak gainditu egin dira; hori dela eta, tailerrak bi egunetan egin beharrean lau egunetan egingo dituzte. Hala, buztin tailerra apirilaren 12an eta 13an egingo da eta Tornuarekin jolasean tailerra, apirilaren 19an eta 20an.