Oñatiarra sortzez (Oñati, 1972), 1990 urtean sartu zen A Coruñako OAR taldean, kirol ikasketak egiten zituen bitartean. Kategoria txikiagoko taldeen entrenatzaile moduan ere ibili zen jokalari urteetan eta eskubaloia sustatzeko eskolak eta antzerakoak sortu zituen. 1999an OAReko talde gorena entrenatzen hasi zen eta harrez gero elkarteari lotuta egon da, entrenatzaile eta kirol zuzendari moduan. Galiziako hainbat komunikabidek jaso dute Agirregabiriaren heriotzaren albistea, auto istripuan, Lugon, A-6 autobidean.
Galiziara joan aurretik Aloña Mendiko eskubaloi taldeko jokalaria izan zen Pablo Agirregabiria. Entrenatzaile ona izateko dohaina zuela aipatu izan dute hura ezagutu zuten taldekideek.