Gipuzkoako Bazkundean egindako ekitaldian banatu dituzte sariak, eta Lana kooperatiba nazioarteko negozioaren garapenean egindako "ahalegin eredugarriagatik" saritu dute: "Nazioarteko negozioaren garapenean egindako ahalegin eredugarriagatik eman zaio saria Lanari, denboran zehar mantendu dena, inbertsioa egiteko unean sektoreak eta merkatuak egoera txarra izan arren. Merkatu nazionalean lider izatetik, fokua aldatzea eta Europa tokiko merkatu gisa bereganatzea lortu du. Enkofratuentzako taulen eta habeen ekoizpenean espezializatutako enpresak nazioartekotzean egindako ahaleginari esker lortu du bere jarduera eta negozio-eredua bultzatzea, duela hamabost urte gutxik imajinatzen zuten proiekzioa eta indarra emanez. Enpresak nazioartekotzeko ahaleginari ekin zioneko egoeraren eta lortutako arrakastaren ondorioz, Lana kooperatiba erresilientziaren eta kemenaren adibide da".
Gaur egun, 230 langile
Lana kooperatiba honek 230 langile ditu eta 101 milioi euro fakturatzen ditu. Egoitza eta ekoizpen-planta Oñatin ditu, eta bigarren kokapen bat Txekiako Ždírec nad Doubravou hirian. Salmenten % 70 esportaziora bideratzen dira, eta horien merkatu nagusiak Europa Mendebaldea eta Afrika Iparraldea dira, Oñatitik artatuak, eta Erdialdeko eta Ekialdeko Europatik Txekiatik artatuak.
