Ganbara Kantu Eskolako abesbatzak eta Ikastetxeak Kantari ekimeneko abesbatzak bat egin zuten atzo, Santa Ana antzokian eskaini zuten udaberriko kontzertuan. Bi urte dira ikastetxeetako abesbatzek ekitaldi honetan parte hartzen ez zutela eta atzokoan itzuli ziren.
Guztira lau abesbatzak eskaini zuten kontzertua oholtza gainean. Ganbara Hasiberriak, Ikastetxeak Kantari, Ganbara Txikitxo eta Ganbara Txiki abesbatzek mota guztietako piezak abestu eta dantzatu zituzten, Aitor Bian Bidarteren eta Aitor Agirianoren zuzendaritzapean. Gainera atzoko kontzertua Ikastetxeak Kantari ekimeneko kamiseta berriak estreinatzeko ere baliatu zuten.