Arratsaldea da aurtengo Oñatiko duatloia, eta horrek hainbat aldaketa ekarriko ditu zirkulazioari lotutakoak. Adibidez, itxita egongo da Oñati eta Elorregi arteko errepidea, bi orduz, arratsaldean, 16:30etik 18:30era. Mozketa horrek, gainera, Zañartu inguruko errepideei ere eragingo die. Errepideei lotuta, Arantzazurako bidean ere egongo dira aldaketak. Izan ere, Urtiagainera igoko dira parte-hartzaileak bizikleta proban, eta hori egin ahal izateko zirkulaziorako itxita egongo da errepide zati hori. Horrela, Oñati eta Urtiagain arteko errepidea ere itxita egongo da ibilgailuendako, 17:00etatik 18:00etara.
Herri barruan, berriz, 16:00etatik 19:00etara, tarteka, herriguneko zenbait kaletatik ere ezingo dira ibilgailuak pasa Bidaurretatik Kasablankako irteerara bitartean. Aldaketen berri emateko, oharrak jarri dituzte atarietan antolatzaileek, eta barkamena eskatu dute aldez aurretik.