Urtarrilean aurkeztu dute proiektu berria eta herriz herriko aurkezpen biran Oñatin egin dute geldialdia, gaur. Zuzeneko emanaldian Elortzaren bertsoak eta Ruedak haiei jarritako hip-hop, pop, bachata zein funk doinuak entzun dituzte bertaratutakoek. Ikus-entzunezkoekin ere osatu dute ikuskizuna. Indibidualismoaren eta kolektibitatearen arteko tentsioei buruzko kezkak, bertsogintza eta musikagintza nahastuta. Gaurkotasun handiko gaiak betikoagoak direnekin nahastuta. Bizi ditugun inkoherentziak eta deserosotasunak, eta ispiluaren aurrean jartzen garenean denoi sortzen zaizkigun galderak.