Astea eguzkitsua eta aurrekoak baino zerbait epelagoa izan arren, orain dela hilabete inguru botatako elurtearen ondorioak oraindik ere nabariak dira Debagoieneko toki garaienetan; Urbia inguruan, esaterako. Hala, Urbiako fondakoek oraindik ere zailtasunak dituzte bertara autoz iristeko, eta bestelako ibilgailuekin moldatu behar izan dute gaur ere eraman beharrekoak eramateko.
"Oltza inguruan elurra sendo dago oraindik, gehien, pistan bertan. Datorren astean elur gehaigo etorri daitekeela ere abisatu dute. Hortaz, ez du merezi lan larregi hartzeak bidea zabaltzen", azaldu dute fondakoek. Dena den, ibilgailu bereziekin bada ere astebururako generoa eroatea lortu dute, eta esan dute ez dela txorizo pintxorik faltako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
