Domeka arratsaldean, berriz, Oñatzeko dantzariak aterako dira kalera, Luzaideko dantzak egitera. Martitzenean, txokolate solidarioa banatuko dute elizbarrutiko misio taldeko kideek. Txorimaloak eta DJ festa ere egongo dira plazan iluntzean, eta, horien aurretik, umeendako ikuskizuna, urtero bezala. Zirika Zirkus taldeak Aurkitu gabeko altxorra lana egingo du Zubikoan; salgai daude sarrerak. Ikastetxeak ere batuko dira Inauterietara, eta mozorrotu. Pake Lekuko bazkideek, berriz, txistorra jan zuten atzo, bihar bazkaria egingo dute eta martitzenean Tolosara joango dira egun pasa.
Inauteri Txikiarekin Eguen Gizen egunean hasi eta martitzen iluntzeko DJ emanaldira arte iraungo dute aurtengo Inauteriek. Hitzordu nagusia, baina, biharkoa izango da: ia 400 lagunek hartuko dute parte kalez kale, goiz eta arratsalde, izango den Aratusteetako kalejiran, Oñatiko Inauteriak lantaldeak antolatuta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak