2022ko urriaren 27ko osoko bilkurak behin behineko onarpena eman zion Oñatiko Emakumion kontseiluaren eraketa eta funtzionamendua arautzeko testuari. Alegazioak aurkezteko epea igarota, ez da halakorik jaso, eta behin betiko izaeraz onartuta geratu da. 2023ko urtarrilaren 17an argitaratu da Gipuzkoako Aldizkari Ofizialean behin betiko izaeraz Oñatiko emakumion kontseiluaren eraketa eta funtzionamendua arautzeko ordenantza.
Egituraren formalizazio prozesuaren hurrengo urratsa, asanblada konstitutiboan taldea era formalean eratzea izango da. Bihar, otsailak 16, eguena, izango da asanblada hori, 17:30ean, udaletxeko osoko bilkuren aretoan.
Kontseiluan parte hartu nahi duen ororentzat dago irekita kide izateko aukera. Interesa izanez gero edo informazio gehiago behar izanez gero, berdintasun teknikariarekin jar daiteke harremanetan bide hauetako bat erabilita: berdintasuna@onati.eus edo 943 78 04 11.
