Asfaltatu egingo dute Arantzazuko Ama kaletik Berezao aldera doan errepide zati bat asteburu honetan, eta horrek eragina izango du zirkulazioan. Gaur, egubakoitza, fresatze lanak egingo dituzte eta ibilgailuak ohiko moduan pasa ahal izango badira ere, txandaka emango dute pasoa eta baliteke, tarteka eta denbora laburrez, errepidea itxi egin behar izatea.
Bihar, zapatuan, erabat itxiko da, zirkulaziorako, beheko planoan gorriz adierazita dagoen errepide zatia. Berezao industrigunerako eta autokarabana gordelekurako sarbidea San Martin auzotik izango da. Eroskirako sarbidea, berriz, Arantzazuko Ama kaletik. Azkoagainera oinez joateko, Arantzazuko Ama kaleko aldapan gora doan eskumako espaloia egongo da erabilgarri.
